{ SKIP }
文:MenClub Patrick  圖:互聯網
POSTED ON 03 Mar 2015
又或者等我再再再重申一次,今年2015年係《高智能方程式》TV版嘅背景設定年份,睇嚟呢套動畫會全面復活,啲產品會排住隊出。但係最新發布嘅一件產品,唔係模型車,唔係首辦公仔,竟然係一套衫!咩衫?就係SUGO菅生車隊嘅單車衣同褲(褲有分連同唔連肩帶兩款)。




睇動畫嗰陣,其實都覺車人套賽車服幾型,但若然大家喺現實生活中着住佢套衫揸車,就未必太浮誇喇,當單車衫咁着就似乎自然啲,所以官方出呢套單車衣同褲係幾合情合理。Well,大家鍾意嘅話,一樣可以踩住單車大嗌「升壓渦開動」嘅!

套衫褲除咗有見慣見熟嘅藍白紅花紋、SUGO車隊個名同飛馬logo外,衫嘅前後仲有元祖雷神G.S.X車身嘅暗花圖案,fans肯定更加鍾意。但係條褲嘅籮柚位上面,仲竟然印埋雷神電腦系統嘅圖案,搞到個電腦生喺pat pat度,咁就搞笑咗啲喎。

Anyway,套衫而家已經預訂緊,5月就會出貨,想入手嘅fans不妨搵代bid舖幫吓手,衫褲各13,000円(約$841)一件。尺碼由S至到4L都有,唔使怕你唔係14歲車人嘅身形,勁肥勁大隻都着得落,美中不足只係冇女裝,唔可以搵條女扮明日香襯番你啫!


官網:www.cyber-formula.net/news/index.php





Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025