日本殿堂級動漫《龍珠》，其商品絕對係長青的，無論幾時出都必定會大受歡迎。而近日台灣電單車頭盔製造廠商NIKKO HELMETS，就宣佈取得日本東映動畫正版授權，將會推出兩款《龍珠》主題嘅電單車頭盔，作為龍珠電單車迷嘅你又有野要入手啦。

NIKKO HELMETS今次推出嘅兩款《龍珠》電單車頭盔，主題分別為主角孫悟空及第一反派菲利，其中悟空款式以橙色及深藍色為主配色，並在兩旁加入標誌性嘅「悟」字，完全突顯出悟空呢個角色。

而另一邊廂嘅菲利款式，則以紫色及白色為主，後腦位置則添上菲利嘅剪影，簡單得黎又有特色。

是次兩款頭盔都已經通過歐盟 ECE、美規 DOT、日本 SG 以及臺灣的 CNS 安全認證，另外配上抗UV-400嘅墨鏡片，令車手們無懼太陽光嘅威脅。

除此左頭盔本身之外，今次正版授權嘅頭盔，其專屬包裝盒及索繩袋亦非常值得收藏，因為盒及袋上亦分別印有悟空及菲利嘅畫像，型到爆！