Tesla老闆Elon Musk上年放售所有個人物業放言「矢志探索火星，地球居所只是累贅」，當大家以為佢會移民去火星後，原來佢移州搬省從原居地加州喬遷去德克薩斯州，目的之一當然係逃避拜登新政，拜登將加稅令加州成為全球最高稅率的地區。如果唔走個人收入稅率（income tax）加聯邦及州政府州高達62%，身體好誠實由「藍州」搬去「紅州」德克薩斯州政府實施0%收入稅率，據估計可節省多達100億美元稅款。有錢人用選票支持拜登實現加州大勝然後就大逃亡搬遷去低稅率州份，呢種聰明玩法到底係咪棄加州人於不顧，不！這是自由，其實「逃離加州」大趨勢已經有大量中產有錢人移居去附近其他州份，移民潮好多地方都有，選擇離開不外乎強權壓逼苛捐雜稅，即老鼠也移民『莫我肯顧！莫我肯德！莫我肯勞』。

馬斯克今年身家暴漲超過5倍，由2019同期約200億美元財富淨值，升到而家估約1347億美元，超越微軟蓋茨（1190億美元）、Facebook朱克伯格（1027億美元）、巴郡畢非德（873億美元），成為全球第三大富豪，僅次於死敵亞馬遜貝索斯（1846億美元）以及LVMH老闆阿爾諾（1426億美元）。預期佢好有可能會成為世界首富。

Elon Musk移居德州固然可以節省過百億稅項，但同時也可以全身投入照顧佢投資位於德州奧斯汀市、佔地2500公頃Tesla的超級工廠，所以佢的移居當然合情合理合法，當然可以睇到佢上年五月開始賣樓基本上就係有哂鋪排，預左走人！有趣值得提提加州的稅率非常之高，單單州政府層個人收入稅率（income tax）就要13.3%，加上聯邦政府稅項後，而家整體最高稅率達到51.9%，為美國各州之冠，同時加州仲有消費稅、物業稅、燃油稅等等。呢度未計下年一但拜登妞上台執政，落實佢政治主張加稅，加州個人收入稅率（州政府及聯邦政府）好可能進一步增加到超過62%。然而這是民主選民的選擇，唔鐘意可以學Elon Musk quit加州！！

至於德州係共和黨票倉，曾經係美國石油及工業重鎮，不過近年經濟走下坡，於是州政府實施0%收入稅率吸引人才及投資，係美國目前有7個「零稅」州份之一（但都要比聯邦稅率）。除左稅率吸引馬斯克，Tesla其實一早已係當地設廠位於奧斯汀市、佔地2500公頃的超級工廠料於明年底落成啟用，成為Cybertruck超級卡車同Semi貨車拖頭的主力廠房。此外，馬斯克旗下SpaceX的火箭發射場都係位於德州郊區Boca Chica。所以馬斯克基本上成個人都係屬於德克薩斯州，今年九月馬斯克被問到美國大選意向時並無公開選擇，但而家就算佢投左咩票都唔緊要，雙腳已表達意向。

係自由的世界，移民其實係好閒的事，正如某網紅話「唔鐘意可以quit！」除非你住係類似北韓的國度，唔比你選擇無移居的自由，限制你移民凍結你資產，放心這種國度世界唔係好多，大家都可以學馬斯克移居心中樂土，前題係要學佢咁有「實力」！