由CD Projekt Red開發嘅《Cyberpunk 2077》未出之前受萬眾期待、出咗之後就因為太多Bug而被千夫所指，縱然CD Projekt Red話會推出Hot Fix修正Bug，但風波依然越演越烈。結果Sony宣佈會開設專頁讓下載版用家申請全額退款，《Cyberpunk 2077》亦已經於Playstation Store下架。

SIE strives to ensure a high level of customer satisfaction, and we will begin to offer a full refund for all gamers who have purchased Cyberpunk 2077 via PlayStation Store and want a refund. Please visit the following link to initiate the refund: https://t.co/DEZlC0LmUG.

— Ask PlayStation (@AskPlayStation) December 18, 2020

Sony於香港時間今朝9點，於「Ask Playstation」官方Twitter發文指，「Sony致力確保顧客們的高度滿足，所以會向所有透過Playstation Store購買 《Cyberpunk 2077》(即係買下載版)提供全數退款。」並附上連結。不過唔知係太多人去填Form定咩，「Ask Playstation」後來補充話留意有人去唔到條Link，「目前正致力維修」。文青執筆之時，該連結顯示「Error 404」。 

圖片：截圖自Store.playstation.com

同一時間，美國、台灣傳媒都指《Cyberpunk 2077》已經於PS5上嘅Playstation下架，而文青去香港區網頁版Playstation Store睇過，無論Search 「Cyberpunk」或「Cyberpunk 2077」都顯示「未找到任何結果」。暫時未知《Cyberpunk 2077》幾時、或者會唔會重新於Playstation Store 上架。