男人的浪漫，就好似《那些年，我們一起追的女孩》入面，柯景騰所講︰「人生就是不停的戰鬥！」

係呀，係好幼稚，但這就是男人的本性。所以唔少男人都鍾意各式各樣嘅「決戰」，打機又好、鬥波又好，如果可以好似動作片入面啲主角咁打打殺殺，仲有埋道具就更好。

平時睇荷里活大製作，例如《魔戒》，神射手枝箭周圍飛嚟飛去，好似好好玩，睇到人想拎起弓同箭落場露兩手。

咪以為喺香港玩得射箭一定係中產階級，其實射箭喺香港愈來愈普及化，唔少學校都開設射箭隊，一般年輕人都有機會接觸射箭呢項活動。

射箭活動看似需要好大空間去進行，但其實玩呢個遊戲唔一定局限喺室外，遭受日曬雨淋，室內射箭一樣有得玩，就算好似近日落毛毛雨，都可以歎住冷氣射呀射、射他吧。

本地目前有好幾間室內射箭場，部份的場地面積相當大。話就話係男人間嘅決戰，咁如果有囡囡旁邊打氣應該high好多？有公司將射箭同wargame撈埋一齊搞，玩法當堂刺激咗好多，好似番到古代嘅歐洲咁，事實上，射前wargame玩法好多，而工具本身亦好安全，叫埋女仔一齊玩都得。

介紹之前，去片睇吓大家射箭時嘅英姿先！

今次採訪嘅Bumperman，推出名為Hunter嘅玩法，其實就正正係射箭 Wargame。

射箭Wargame唔係只對住箭靶，而係以隊伍方式，利用弓同特制安全箭進行「箭爭」，目的係擊倒對方嘅分數牌或者殲滅對手。

Bumperman將射箭wargame安排在室內足球場Master 5進行。

Master 5有2個合乎國際室內人造草五人足球比賽嘅標準場地，就算同隊友四圍跑，都唔怕冇位走撞埋一堆。

執弓

如果平日慣用右手，便用左手執弓，用握起弓中間的「把手位」，手臂抬高至與身體呈90度

套箭

箭尾有一個丫叉缺口，套在弦上的黃色安全扣中間。

最後以食指、中指及無名指放喺安全扣上、下處，伸直手臂，將弦向後拉至面頰方向，箭尾放喺眼前位置，瞄準後放鬆拉弦的手指發射。

安全起見，比賽時要戴面罩同護臂（如穿長袖衣服可不必戴上護臂）

玩法

標準賽

4至6人一組，以射倒計分牌為目的，被射中的人要雙手舉高停止活動20秒，比賽時間約4至6分鐘。

殲滅賽

同樣4至6人一組，以射人為目的，中箭即當被「K.O.」，射中了計分牌方能「復活」，重新進場，比賽時間約4-6分鐘。

射箭小知識

射箭其實係藉助弓的彈力將箭射出的一種活動，世界各地有許多種射箭賽事，例如野外射箭比賽、射遠射箭比賽、室內射箭比賽等等。雖然比賽方法同規則不盡相同，但多數計分方法都是以不同距離內，射中箭靶的環數計算成績。

另外，射箭射得好，力道並不是關鍵。射箭講求肌肉協調性，力度要收放自如，如果唔識放鬆肌肉，反而不能夠保持射箭時的穩定性，因此周身肌肉的大隻仔，射箭可能比不上一個瘦削女生準確。

Bumperman HK

http://www.bumpermanhk.com/