一般家機除左Switch之外都好難帶出街玩，就算唔怕重拎出街都要搵到螢幕同濕電。但日本有位網友就成功將PS4改裝放入個「喼」到，可以拎出街隨時隨地開嚟玩。

起動の様子 pic.twitter.com/x455jCxwNR

— DX Terraria (@DxTerraria) December 31, 2020

日本網友DX Terraria 早前喺Twitter上分享佢嘅傑作，引嚟十幾萬like。作者拆咗PS4原裝外殼，將入面硬件裝入個私家特製「喼」到，換上Intel Cpu原廠散熱器，再接駁專用電池同螢幕，實現「可攜式PS4」夢想。

至於大家最關心嘅充電同電池問題，作者表示「喼」入面搭配一個20,000mAh電池，喺充滿電情況下，可以玩到大約1個鐘。而充電方法有三種，「佢自製嘅AC充電器」、「支援USB PD嘅Type-C充電器」同「Notebook充電器」。

Q.充電方法について
A.充電方法は3つあります。
1.自作の巨大ACアダプター
2.USB PD対応 Type-Cの充電器
3.ノートパソコン用のACアダプター

1のACアダプターのみ充電しながらゲームをすることができます。(実質据え置きモード)
普段は2のスマホ用の充電器を持ち運ぶのが無難ですねｗ pic.twitter.com/FR0nigkjCU

— DX Terraria (@DxTerraria) January 1, 2021

唔少網民都表示想買，可惜作者暫時無打算量產販賣，仲話改裝費都洗咗大約¥50,000日圓（約$3,700港幣），已經夠買多部PS4。

Q.売るとしたらいくら?
A.現在の製作費が5万円程なので
そこに付加価値をお付けして
15万円程になりまs(ry

— DX Terraria (@DxTerraria) January 1, 2021

其實DX Terraria喺半年前已經研究緊「可攜式PS4」，仲有分享過上Youtube。對比半年前，可以見到今次改裝進步唔少，希望佢可以再不斷改良，能夠壓低改裝成本同提升電量就唔洗咁「雞肋」。

資料來源：Twitter@DxTerraria