Tesla電動車Model S大改款，外型雖無大變但新款內部大換裝科技感靚絕加上特配賽車U 形蝴蝶式軚盤，加中控台橫向17吋高清大螢幕車機系統的運算力強大夠打機睇片玩樂有餘非常吸引，音響仲有960W配22個喇叭同主動式降噪功能，仲有大腳踩兩秒鐘由零至96公里加速體驗，絕對係男士們的理想玩具之一。不過提一提各位車手，人無事先做到世界冠軍，全新改款Tesla Model S相信好快成為全城熱炒之選，即好好賣咁解。

Tesla公佈的新版Model S 和 Model X終於登場，駕駛體驗同汽車性能之後由Menclub Auto同事同大家跟進，總之續航力升級，至於內裝吸睛遊樂影音，就非常值得期待一下，除左上面提到全新遊戲式賽車軚盤別樹一幟外，中間個17 吋巨Mon都令人眼前一亮，是次改款個中控螢幕打橫放置，而且可以左右調節一定的傾斜角度。據有 2,200 x 1,300高清解像度，娛樂體驗一定好正。除左可以用來睇戲，應該仲可以打機，因為新版Model S/X 車機系統的運算力達到 10TFLOPS，可以驅動 Tesla Arcade遊戲效能有一定保障。全車音響系統大升級配備有22個喇叭，可以透過藍牙實現多聲道音訊輸出，總功率達到 960W，而且具備主動式降噪功能，好靜好靜買部車匿埋打機瞓覺都一流。

唔止前面過癮後排中間冷氣出風口的位置同樣新增一個 8 吋小螢幕，後座中央扶手配備無線手提電話充電同 USB-C 位，望螢幕眼攰攰哋可以抬頭望下加大左的玻璃全景天窗，其他野同舊版有無唔同？ 有不過軚盤同座椅加熱功能其實香港地有幾可用得著。總之我認為Tesla 新款Model S係吸引大人的新玩具，如果你最愛係駕駛玩車咁車有好多選擇，但如果你同我一樣眼睛吸睛先決，Model S的確幾吸引，造工用料細節相信會進步的。