由大場鶇及小畑健老師創作嘅《死亡筆記》早於2006年完結，但其嚴肅鬥智嘅劇情、堪比小說嘅字數、以及獨特嘅美術依然留喺一眾漫畫迷嘅心目中。而事隔14年，《死亡筆記》終於又有新作！

圖片：PRTimes.Jp

卻說大場鶇及小畑健老師於2015年再次合作，於《Jump Sqaure》上連載《Platinum End》，最後一本單行本就會於2月4日發售，同時亦宣佈會動畫化。而唔知係為咗造勢定真係咁啱，Jump亦會將大場鶇及小畑健老師歷年來出過嘅《死亡筆記》四格漫畫、短編漫畫結集成書，推出《Death Note短編集》，當中亦包括去年年頭推出嘅87頁新故事《a奇拿編》。而小畑健老師亦為短編集創作新封面，以《a奇拿編》主角田中實、流克及紅蘋果為主題。

圖片：PRTimes.Jp

至於《Plantium End》動畫就搵黎入野自由 (《排球少年！！》中嘅菅原學長)、以及人靚聲甜嘅小倉唯擔任聲優。預計今年秋季播放。