日本TBS電視台訪問發覺4分1年輕人接受使用GPS定位APP情侶甚至朋友間互相監視，隨時掌握對方行蹤，當中最大原因係安心確保另一半唔會出軌。講個祕密你聽，我前老細有兩部電話，每日打完卡返工都會飛線留一部電話係公司，間唔中同祕書齊齊出去酒店見客。

現代人利用科技好多野都看似運籌帷幄，日本德島文理大學最近公布左一項調查數據，發現超過25％的日本年輕人願意接受安裝GPS APP讓自己情侶監視自己，甚至朋友之間都安裝GPS APP互相掌握行蹤，原來好多人覺得正常無問題！至於安裝GPS APP的好處，研究顯示係加強信任確保對方知道自己唔會出軌！

呢個話題源自日本德島縣的警察與德島文理大學聯合做嘅一項調查報告，馬上引發成為日本網絡話題，原來係德島縣內800位18～25歲的年輕人當中，對於「能不能接受交往對象以GPS APP監視自己？」呢個問題，有10.3％表示「可以接受」，15.6％表示「還算可以接受」，加埋超過4分之1人！當然都有22.0％的人回答「不太能接受」，52.1％則是「不能接受」。調查似乎超出好多人預期，並非一面倒唔接受長期被另一半監視生活。同大家補充返背景資料，日本有一個GPS監視APP大熱，名稱係「Zenly」，好多年輕人手機都裝左呢個app，然後唔單止戀人連朋友都開放任人監視自己位置。

「Zenly」APP可以掌握用戶群體內所有人的停留時間、移動速度甚至係手機電池量，係一個全面公開自己日程的app，根據訪間的年輕人話「大家都有裝！」。據講「因為很懶得每次約見面，都要回報自己在哪裡。」「裝Zenly就能一目瞭然了。」「反正我也能看到對方的位置，所以給對方看我的位置也還好。」關於年輕人愛裝GPS APP互相監視的理由，主要有以下３種……

當中最大的原因係情侶之間防止出軌，一旦對方出入可疑場所都可以知道得一清二楚！如果你有個痴女朋友，你返緊工對方仲可能「一看可能會看個３小時。」個app仲「可以看到對方跟誰在一起。」第二個理由就相當日本人，處處為對方著想不想打擾別人。因為透過對方的所在地與停留時間，推測對方現時是否正在忙碌中，避免打電話打擾對方。或者當傳訊息對方無即時回覆，都可以理解對方可能真係忙碌中！第三個理由就係癡情女友可以想像對方現在忙緊咩？藉此獲得彷彿跟對方共處一齊生活的滿足感！受訪的一位遙距戀愛中的18歲女生表示：「因為我跟男朋友遠距離戀愛，所以都會在意他現在在哪裡做什麼。「最長的時候可能會看GPS看上４個半小時。」真係一日不見如隔三秋，一但相見來穫勁抽。

不過其實呢個調查由德島文理大學聯合日本警察合作研究，原因正正係基於GPS APP帶來的危險性，因為GPS APP可能引發跟蹤狂犯罪，將自己的行蹤或住址暴露畀其他可疑人士！隨時有危險的可能！情侶之間其實如果真係要呃呃騙騙， 只係你有張良計我有過牆梯。信唔過對方不如早日換過信得過的！