之前介紹過中國最出位西遊題材單機動作角色扮演遊戲《黑神話：悟空》（Black Myth: Wukong）前日釋出最新宣傳短片，睇落更型更美以「鼠年已過，牛年將至」為題再一次一鳴驚人，如果你認同中國遊戲未來將會站立於世界頂尖，咁呢段片足夠你「威」過年一定要睇！！不過話你知一個「中國特色」事實，1.遊戲開發未有實際進度同期限！2.短片已寫明純為牛年春節特別製作，與實際遊戲劇情無關，即遊戲公司整條好靚的片你睇，唔代表遊戲真係咁靚，一切都係概念，相信下一步可能要集資，可能上市。想玩？唔好失去盼望

呢個由中國遊戲開發團隊「遊戲科學」（Game Science）開發的西遊題材單機動作角色扮演遊戲《黑神話：悟空》（Black Myth: Wukong）短片係咪好好睇呢？睇完真係覺得中國人做影片的質素一流。據稱《黑神話：悟空》遊戲係以 Unreal Engine 引擎製作的 ARPG，去年已經推出一套概念片一鳴驚人甚至成功獲得全球媒體關注，不過根據海外報導，遊戲開發仍屬於早期階段，距離完成可能仲要花多幾年時間。所以你睇到的全部都唔係現實，那是未來，好快就會有人同你講呢個未來非常吸引，如果你成為投資者，回報好肯定唔會少。有興趣的玩家請繼續關注其官方網站。