韓國導演奉俊昊憑《上流寄生族》橫掃第92屆奧斯卡多項大獎，更成為首部取得「奧斯卡最佳電影」嘅非英語電影。除咗HBO將會出《上流寄生族》劇集版，最近奉俊昊表示正寫緊新電影劇本，仲已經完成咗一部。

《上流寄生族》當年橫掃4個奧斯卡大獎，當中包括最佳影片獎。（圖片來源：imdb）

早於2019年奉俊昊曾喺美國雜誌《Atlantic》及《Variety》表示過正籌備緊一部英語電影及一部韓語電影。最近佢就喺Podcast節目《The Director’s Cut》，向導演Rian Johnson表示寫兩個劇本嗰陣個腦好似被劈開一半，上星期總算完成其中一部，但就無透露係完成咗邊一部。

奉俊昊憑《上流寄生族》取得第92屆奧斯卡最佳導演獎。（圖片來源：imdb）

據了解，兩部電影都唔係大制作，製作規模同《上流寄生族》及《骨肉同謀》差唔多。韓語電影故事將會發生喺首爾，並會加入獨特恐怖及動作元素，好難界定屬於邊種電影類型。而英語電影將改編至一件發生喺2016年嘅真人真事，暫定為劇情片，最終要完成劇本先知屬於咩類型，但場景必然有一半喺英國、一半喺美國。

資料來源：Gamespot、Atlantic、Variety