自PS5開賣以嚟，全球玩家瘋狂搶購，到依家仍然一機難求。如果急著想玩，就要考慮幫襯黃牛黨食炒價，一嚟比正價貴好多，二嚟買咁貴嘅野分分鐘被老婆鬧嘥錢。最近越南就有位機迷用咗條絕世好橋，同店員夾埋扮裝新WI-FI Router，打算可以瞞天過海。

從相片可以見到，店員扮得有板有眼非常專業，同平時見到嘅寬頻師傅所差無幾，就連細節位都做到滴水不漏，安裝完亦不忘貼返個技術支援電話貼紙。

事主見計劃成功後立即上FB分享喜悅。（圖片截至：electrodealpro）

事主眼見計劃大成功，就飄飄然即刻上越南大最PlayStation Facebook Group分享善悅，咁搞笑嘅事當然好快就傳開曬。我諗唔使幾耐佢老婆就會知發生咩事，呢個故事教訓我哋做壞事唔好太揚。

其實早幾年喺韓國有位Youtuber整過一部動畫，劇情講述男主角點樣呃老婆買PS4 Pro，同樣係謊稱部PlayStation只係最新WI-FI Router「Plash Speed」，唔知個位越南師兄係咪受呢條片啟發呢？