所以話，現實與理想幾時都係咁大落差，你以為中國好多假野一定無人搞咩專利呢啲野啦? 咁你就錯啦，仲要錯到離晒譜，事關世界知識產權組織最新公佈嘅結果，2020年中國係全球最多人申請專利嘅國家。

據消息指，去年全球一共有接近27.6萬單專利申請，比2019年增加4%，而由於專利一般要1年時間處理，所以基本上2020年嘅數字係反映緊2019年嘅申請。

而中國2020年就有68720項專利申請，冠絕全球，而排名第二及第三嘅分別係美國及日本，再一次「假野比真野好」嘅中國成功壓倒小美國及小日本。而6萬幾項申請入面最多嘅專利係黎自華為，當中達到5千幾頁申請，全球咁多野可以參考，善於將對手技術融為己用嘅華為真係一啲都唔出奇。其次則係Samsung(3093項)、Mitsubishi、LG等等。

將假野複製再令佢變好，再申請專利，呢啲技術真係唔係咁多國家可以做得到，甚至可以講係中國先做得咁好！利害了我的國！