近年加密貨格價格不斷上升，成為市場上炙手可熱投資產品，愈來愈多人買入投資或索性做埋礦工。據《路透社》引述消息人士指，印度政府打算立法例禁止加密貨幣，無論持有、交易、發行、採礦以及轉讓交易均違法，料對數百萬投資者造成打擊。

《路透社》引述印度政府消息人士報導，該法案將會係目前世界上最嚴厲打擊加密貨幣嘅政策，無論持有、交易、發行、採礦以及轉讓交易加密貨幣，都一律視為刑事行為。此舉符合印度政府喺今年1月嘅呼籲，要求禁止私人加密貨幣，並建立官方法定加密貨幣架構。

據知情人士所指，印度推出新法令後，只會畀持有者6個月時間清空手頭上嘅加密貨幣，違者將被罰款。由於印度總理莫迪喺國會佔多數席位，官員有信心法案將會成功通過。若然法案落實，印度將會係全球首個將持有加密貨幣視為非法嘅主要經濟體。雖然現時中國喺蒙古禁止採礦同交易加密貨幣，但持有並非違法。

印度總理莫迪。

即使印度政府喺年頭已經放風話要禁加密貨幣，但隨著最近加密貨幣格價攀升，愈來愈多民眾加入投資。據業界估計，現時當地已有800萬名投資者，總計持有14億美金加密貨幣。