{ SKIP }
文:MenClub 艾力克  
POSTED ON 19 Mar 2021

《怪獸公司》續集影集《Monsters At Work》即將於7月2喺Disney+播出,近日官方就曝光角色宣傳圖片,除咗有大眼仔同毛毛之外,更有5位新角色出現。

《Monsters At Work》預計有10集,故事設定喺《怪獸公司》事件六個月後,講述新員工Tylor Tuskmon加入「Monsters, Inc. Facilities Team(簡稱MIFT)」團隊嘅經歷。唔知大家仲記唔記得《怪獸公司》最後一幕係講緊毛毛同大眼仔發現小朋友嘅笑聲比尖叫更能有效發電,而新作正正就係延續呢個故事落去,講一班怪獸公司員工點樣改變發電方法,之前專門訓練怪獸嚇人嘅弗林女士(Ms. Flint)亦轉行教怪獸點搞GAG。

Tylor Tuskmon,係一位從怪獸大學畢業嘅頂尖學生,當佢以為終於有機會可以嚇死班小朋友嗰陣,發電方法就從嚇小朋友變成氹小朋友笑,所以佢要從零開始學習點樣搞GAG。

Fritz,MIFT團隊嘅阿頭,有健忘症。

Val Little,MIFT團隊一員,非常熱情。

Cutter,一位循規蹈矩嘅員工。

Duncan ,喺怪獸公司做水電工,為人陰謀,係一位投機主義者。

最後點少得毛毛同大眼仔,毛毛就升職做咗獸怪公司CEO,而大眼仔嘅性格喺今次發電模式轉型幫咗佢唔少。

資料來源:ew
經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025