可口可樂Coca Cola唔單止係一種家傳戶曉嘅飲品，其實如今已經變成一種無所不在嘅品牌，甚至可以話係潮物嘅其中一種基底。而近日，佢地就破天荒首次與日本著名運動品牌Asics合作，推出全新至潮鞋款！

今次歷史性首次合作，Asics以全新鞋款「GEL-QUANTUM 90 TYO」迎接可口可樂，兩者二合為一竟然意想唔到咁夾。

兩大品牌合作下將推出兩款配色，其中包括紅色及白色，並在鞋身印上可口可樂標誌性嘅Logo，一睇就認得出完全係可口可樂嘅外型。唔單止係，鞋嘅鞋踭緩震膠位置更用上可樂玻璃樽嘅綠色，可以話玩味十足。

除左合作大玩視覺效果之外，今次嘅可樂特別版繼續加入環保概念，每對鞋面都會使用約4個回收PET水樽嘅聚酯纖維製成，而鞋墊就採用左再生聚氨酯及免水染環保技術（Dope-dye technique），大大減低過程中所需嘅墨水，為保護地球略盡綿力。

咁鬼正作為可樂迷嘅你仲點忍手呀?