唔知你用開嘅相機係邊個牌子，每個牌子都一定有好有唔好，但講到最多人用嘅相信都一定係佢 - Canon。

據最新統計，Canon再一次成為可換鏡頭相機全球市場佔有率排名第一位，誇張嘅係佢地已經由2003年至2020年連續第18年獲得呢個榮譽。

2003年，Canon憑住推出EOS 300D入門級數碼單鏡反光相機，成功首次成為全球數碼可換鏡頭相機市場佔有率第一位，從此王座至今未有人能夠動搖到。18年期間，Canon不斷推新出新，其中包括重點型號EOS-1D、EOS 5D系列。

而喺踏入2021年後，Canon亦成功達成里程碑「EOS 數碼可換鏡頭相機系列的總生產量達到1.5億部」，相信未來超越2億已經不遠了。不過無敵是最寂寞，究竟Canon可唔可以喺無敵手下Keep住進步呢?