唔少女士都渴望擁有誘人身材，奈何理想總是豐滿，現實卻很骨感。日本創意品牌「ekōD Works」就睇中呢一點，繼上次網格錯覺T-Shirt後，再出新產品，能夠讓男士及女士們身材提升「視覺效果」。

ekōD Works上次推出嘅網格錯覺T-Shirt大受好評，平胸女士著完唔使「升球大墊」都可以獲得豐滿效果。

佢哋見上次反應唔錯，就再出新衫，今次男士都有份。女嘅著完可以性感得嚟又唔暴露，男嘅著完就可以即變「大肌肌」猛男，遠睇都幾可亂真㗎。

不過，按照Model示範相嚟睇，我諗要本身都要有啲野先可以撐得起件衫，好似係。

兩件售價勻為3,869日圓（約$270港幣），預計4月底開始發售，有興趣嘅朋友可以去ekōD Works官網訂購。