著名科幻喜劇動畫《Rick and Morty》第五季終於嚟啦，唔知瘋狂科學家Rick今次又帶孫仔Morty去邊到冒險呢？

《Rick and Morty》自2013年推出至今，深受全球各地觀眾喜愛，各大外國影評人都一致大讚，更曾兩次獲得動畫領域最高榮譽之一嘅安妮獎（Annie Awards）。第5季開播當日嘅6月20號同時係「Rick and Morty Day」，到時將會同時播放幕後製作花絮及特備節目，各位影迷敬請期待。

劇情講述一個憤世嫉俗嘅科學家Rick，帶著自卑又懦弱嘅孫仔Morty去唔同時空及星球冒險。雖然當中好多無厘頭又搞笑嘅情節，但內裡其實充滿哲學性反思，對社會、家庭關係、宗教作出批判，不時又會諷刺及致敬一下當今流行文化，稱佢為喜劇動畫神作都唔誇張。相信有睇開嘅朋友就明呢套動畫有幾正，如果未睇過嘅朋友，不妨從第一季開始追起，我相信你好大機會同我一樣睇到不能自拔。