迪士尼樂園向來有專人扮公仔同觀眾揮手、影相、互動！未來呢項工作可能可以交由機械人負責。最近迪士尼開發部門連同波士頓動力以及 Scott LaValley等科技企業開展名為「Project KIWI」計劃，針對仿真機械人研究，並嘗試製作小型雙腳直立自走機械人，最新公開試驗品係樹人（Groot）造型機械人，維肖維妙。將來有望進化成機械公主們，不過放心暫時都仲需要請演員扮演迪士尼角色！

迪士尼開發部門原來有科技同機械技術的研究。今次公開呢個樹人機械人睇落都十分像真，好有Groot風格，當然真正要放入樂園就需要更多互動能力，要做到靈活自然會行會走，除左機械技術相信都要講求強大AI，感覺一如科幻電影！

今次樹人項目迪士尼經過三年時間開發，最後成功製作出一個雙腳步行機械人，加上Groot的外觀。據指現時仍未完全開發完成，但已經可以做到基本模擬真人動作，包括樂園工作最重要的步行以及揮手都自然隨意，而且暫時只有一條電線連接作為編程用途。

當下據稱迪士尼並未有計劃喺迪士尼樂園中使用機械人，相關完全未有時間表。 不過迪士尼研究機械人除咗放喺迪士尼樂園仲有好多其他應用方法。 未來大家喺迪士尼樂園見到仿真樹人Groot完全唔駛驚訝，不過要重點珍惜有真人扮演的其他迪士尼角色， 好有可能呢種職位係未來同巴士售票員一樣唔再存在屬於未日工種。