早前Whatsapp宣佈推出新條款，但同時又被踢爆會將訊息傳給母公司Facebook，隨即引發通訊軟件移民潮。驚死嘅Whatsapp隨即放軟態度，將用戶接受條款嘅期限延長。而用戶接受條款嘅期限已迫近，但Whatsapp亦開始放寬不接受條款嘅後果。

Whatsapp宣佈新條款死線設於5月15號，如用戶到期後亦未有接受條款的話，佢地承諾唔會因此而將該帳號完全刪除，或完全不能夠使用Whatsapp。

不過，唔接受條款當然就有後果啦，Whatsapp將為不接受條款嘅用戶設有四大限制：

第一階段

1. 無法存取對話列表

2. 無法主動發送訊息

第二階段(在第一階段受限制數週後啟動)

3. 無法接聽來電

4. 無法接收通知

第一階段限制，用戶將唔可以睇番之前任何嘅對話紀錄，不過仲可以接聽Whatsapp Call同接收通知。雖然你可以收到Message，但你將唔可以主動Send Message比任何人，只可以等有人Send Message比你你先可以回覆。

第二階段限制，用戶將可能出現無法接聽Whatsapp Call，同時將會接受唔到任何Whatsapp嘅通知。

雖然唔完全刪走你嘅Whatsapp帳號，但基本上限制進入第二階段你嘅帳號已經等同廢左無分別，所以究竟你會唔會肯低頭接受Whatsapp嘅條款呢?