疫情之下雖然泳池已經重開，但係比你又敢唔敢去游? 更何況疫情近日又好似要爆發第五波，幾時先可以安心去游水，我都真係答你唔到。

「不過，凡事唔係絕對嘅，聽日一定會好天嘅！」啱呀！所以幾時都要有備無患，唔係到好天你想去游水個陣，連條似樣嘅泳褲泳衣都無就唔好啦。

近日一間黎自新加坡嘅泳裝品牌August Society正式落戶香港，而原來呢個品牌同香港都有一定嘅淵源，事關公司正正由於香港長大嘅Toni Chan喺2015年創立，其宗旨為Joie de Vivre(生活樂趣)。

介紹得比你當然有佢嘅好處啦，August Society旗下嘅所有泳衣系列，都係以可持續發展進行研發的，佢地會同廠商合作，分別從回收場、堆填區、工廠及海洋等回收物料，然後將佢地淨化、再生成塑膠物料，並製成布料。同時品牌亦利用數碼打印技術印製泳衣，令製造過程大大減少所需嘅墨水、染料及布料，令買嘅你即時已經投入環保行列。另外，部份泳裝可以拆除內墊，照顧體型有變化嘅你，令你咩身型都可以繼續穿著，實踐環保。