英國Naim Audio係其中一個最受香港音響玩家喜愛的品牌之一，特點係品牌產品線齊備連結性高組合性強，令人有全套一路買落去的衝動，過去音響迷會稱為中「Naim毒」。Naim價錢適中外型現化高雅，聲音品質優秀，如果香港的玩家家居有局限唔能夠盡情玩音響，買全新Naim Uniti Atom Headphone Edition 玩Highend串流及耳機擴音機推耳機可能係另類中最好的解決方案。一部機加隻耳機就可以在家感受最強聲音享受，想玩音響有個座位有電制就可以。

全新Naim Audio Uniti Atom Headphone Edition 係一個一體化的方案，器材單獨就可以滿足訊源、前級同推動耳機擴音一條龍，唔單止可以作網絡串流播放，一體前級擴大玩耳機，日後如果添置有源喇叭，仲可以利用機身 XLR 及 RCA輸出變回傳統前級使用，可謂進可攻退可守。作為訊源自然強於無線連接，Uniti Atom Headphone Edition 內置有藍芽及無線 Wi-Fi，用家可以透過 UPnP 播放 NAS 或 PC 中分享的音樂檔案，同時可兼容AirPlay2、Chromecast、Spotify、TIDAL、Qobuz 及 Roon 等，機身更另具備 USB 端子，能直接連接及播放在 USB 記憶體中的音樂檔案。

耳機放大方面，內置耳機放大採用了 Class A 方式，每聲道輸出高達 1.5W RMS（16ohms）支援6.35mm 單端耳機輸出以及另有一組 4.4m 平衡耳機輸出，除此之外機身後方另設有一組 4 Pin XLR 平衡耳機輸出，耳機玩法應有盡有。當今音響市場改變係一體化同簡約實惠，Uniti Atom Headphone Edition 機身細細功能完善，相信將會係可以改變音響遊戲規則的中高階產品主流。我知道大家想知的重點在於價格，Uniti Atom Headphone Edition 價錢大約為 £2399 英鎊。花兩萬就可以為入門音響世界踏出第一步，其實好化算，如今請先挑選一個好耳機。

https://www.naimaudio.com/product/uniti-atom-headphone