唔知鍾意車嘅你去左睇《Fast and Furious 9》未，以下落黎嘅文章可能會有輕微劇透，大家自己衡量小心碌落去啦。

有睇呢套誇張到痴線嘅電影嘅你，一定記得當中有搞笑「三傻」將個火箭引擎挷住部車，然後向起飛嘅Mig-17戰鬥機挑戰，最終佢地覺得自己跑贏左部戰機，但部車連埋個火箭引擎就爆炸收場。

而Bugatti去年推出嘅全新 Chiron Sport 限量別注車「Les Légendes du Ciel」，近日就推出最終測試片段，片段竟然咁岩得咁橋搵黎服役於法國海軍嘅Dassault Ragael Marine戰鬥機鬥一鬥。

影片中有鏡頭好似Chrion Sport比戰鬥機速度更快，但事實上搭載 1,500 匹馬力 W16 引擎嘅 Chiron Sport 又點可能同擁有 5,648 匹馬力嘅戰鬥機相比。不過前者於地上嘅速度已經係數一數二，夠晒誇張架啦。

Chiron Sport今次一共只係限量製造 20 部，每部定價高達 $341 萬美元，唔知邊個可以買得到呢?