北韓呢個神秘國度，一直都有唔少令人摸不著頭腦嘅條例，好似早排新加入禁止留非社會主義嘅髮型，而最新嘅條例竟然係禁止人民穿著緊身牛仔褲。

據北韓社會主義愛國青年團最新發佈嘅消息，作為北韓神一樣存在嘅「金仔」金正恩近日最新頒佈「禁止人民著用緊身牛仔褲」，原因係佢覺得緊身牛仔褲呢一樣野係資本主義嘅產物，算得上係一種意識上嘅侵略行為，所以絕對要禁止。

金正恩警戒國民「歷史話比我地一個關鍵嘅教訓，當一個國家唔可以堅持自身生活方式，無論其經濟與國防實力如何，都將會變得脆弱而且好似潮濕嘅牆壁一樣倒榻。」所以緊身牛仔褲絕對唔可以存在於北韓。

其實喺北韓被禁嘅又點止緊身牛仔褲一樣，簡單數已經有可口可樂、衛生巾、安全套、宗教活動、Starbucks、西方雜誌等等。