中國孩子的讀書學習壓力非常鉅大，抖音母公司字節跳動（Bytedance）推出全新革命性智能作業燈大賣成功可見一斑，而呢個產品特別之處係智能燈擁有兩個「攝錄鏡頭」，從正面加俯視兩個角度隨時監控住小朋友，唔止家長連老師都可以遠程睇住孩子做功課。用家可以長期視像通話教做功課溫習，做完仲可以即時拍照上傳，家長或老師睇完再點贊回傳，開啟監控模式小朋友一偷懶唔專注智能燈仲會拍照即時傳送響機提醒家長管教。相信此產品已經足以令香港怪獸家長怦然心動，問題在於中國人正習慣同滿足於科技帶來的便利，對「監控技術」持開放態度，據字節跳動的講法，係要家長同小孩都同意監控遠程監督先可以啟動，唔知香港家長們係「驚」定驚買唔到要即時入貨呢？

近來字節跳動（Bytedance）推出的大力智慧燈係中國大受歡迎，成為熱門的中國教育產品；原因在於此一智能作業燈除左燈本身柔和護眼，仲好高科技擁尤如亞馬遜 Alexa 般語音助理功能，同時配有兩個「攝錄鏡頭」，可讓家長、學校老師遠程「監督」孩子在家學習情況。該燈上市一個月中國就賣出一萬盞，燈具所謂兩個鏡頭，一個對住孩子，另一個以俯瞰視角影住作業睇住佢一文一字！

產品兩個攝錄鏡頭可以讓父母、老師「遠程監督」孩子的學習狀況，同時每盞檯燈上都仲有一個智能電話一樣大細螢幕，能透過人工智能（AI）指導孩子學習（例如數學）或是查詢詞彙當電子辭典。同時父母即使是聘請家教補習，都可以透過遠程遙距督促小朋友學習。 智能燈5月初推出被搶購一空。產品嘅成功顯示中國人對於攝錄鏡頭監控應用容忍度相當高。係日常生活當中常常會被鏡頭長期監視，久而久之係成長中習慣被監視，當然中國人或相關機構又會覺得凡事唔應該過於憂慮，只想好的一面唔好去作出杞人憂天誤觀！唔知大家對呢個產品係大加讚 譽定保持觀望，相信好多香港媽媽已經衝倒上淘寶搵！