能夠勇於跳出固有思維不被眼目外觀限制就係創作力量，係日本東京工業大學一個紙飛機比賽就將應用科學推向極致，冠軍同季軍選手都成功以非一般飛機造型擊退空氣力學，以A4紙揸埋一舊團結就是力量UFO紙團飛機成功擊敗其他參賽飛機，得到掟紙飛機大賽榮耀。讀通科學精於計算原來不及先理解遊戲規則，其實點解飛機唔可以搓成一團，我肯定我見過的UFO係「圓咕碌」。

日本東京工業大學有一門新生必修課程「工學通識」，課程主要透過好多簡單的科學實驗，讓新生理解各個學科的重要性、科學的平衡等等，藉此幫助學生選擇二年級以後的課程。總之就係入門的「101」學科。重點在於呢門工學通識課每個學期尾都會舉辦紙飛機比賽，考驗學生們如何運用科學知識，讓紙飛機飛得又遠又耐！大家都好努力運用科學知識建造飛得得最遠又最耐的紙飛機。Twitter網友てるるん（@terurunchan）就成功出文引起熱烈討論，話說佢最終成功得到比賽季軍，佢最初好努力去研究如果造出最好的紙飛機，不過努力左好多次都唔太成功，結果佢係正式比賽中派出另一架紙飛機參賽。佢出推文表示「我只係丟一團紙就拿到獎狀了。」。

網友直接將紙揉成一團掟出去，竟然就獲得了紙飛機比賽的第三名！事件立刻引爆網友們議論，好多人質疑係咪比賽規則有問題。てるるん（@terurunchan）隨即貼出了參賽規則，指出規則當中只有規定材料，完全沒有針對紙飛機的外觀設下任何限制……

「每人以２張A3紙以內的材料製作１架紙飛機。

只能用圖紙、膠水、重物。

重物限定迴紋針20個以內。（超過就失去資格）

測量飛行距離和飛行時間，計算綜合得分。

飛行距離以地板上的標示距離為準。（到機體停止的距離）」

「飛行時間以碼表測量。（機體的任何一個部位接觸到地面為止）

不可使用發射裝置。

時間與距離的綜合得分有固定的公式。（飛行2.5秒的的得分相等於飛越一個房間的距離。）」

而老師最後判決。只要符合規定的材料就好了。當然如果全部選手都製作「UFO」飛機，好可能下年參賽規則就會更改！由此可見，理解遊戲規則似乎比理解空氣力學更重要！大學果然係社會縮影，讀書其實就係理解社會的通識課程。只要符合規則無超越限制，凡事都可能。 不過如果係社會放大嚟睇最重要還是誰人和如何定立規矩。講講下又可能係「 Rule by law」 or 「Rule of law」果類野。總之係今日呢個「平凡」的日子，我只想同大家研究下掟飛機的遊戲玩法，學習係固有規則中突破！