Jeff Bezos其實一直同SpaceX Elon Musk競爭外太空火箭事業，旗下Blue Origin公司無論聲勢同實際業務都落後於SpaceX 。不過Jeff Bezos講得到做得到，絕對有心後來居上，宣佈7月5日卸任亞馬遜CEO職位後，2星期後7月20日自己將會親身歷險參加自身New Glenn可重複使用重型運載火箭商業載人飛行首舵。火箭上有6個乘客位，Jeff Bezos滿有信心身先士卒， 展現其熱愛太空的熱血衝勁，成功將會直接贏從未親身上過太空的競爭對手Elon Musk，兩個世上最有錢的人太空競賽可能係人類流浪地球的最大本錢同推動力。

在 Instagram 查看這則帖子

Jeff Bezos（@jeffbezos）分享的帖子

正當：大家上個月先聽到話Jeff Bezos辭任亞馬遜CEO職位，以為佢搵夠錢想畀人賺下。原來男兒志在四方，一定要贏太空火箭事業。暫時喺呢個領域旗下藍色起源（Blue Origin）私人太空公司正落後於SpaceX。Blue Origin一直投入開發軌道運載火箭研發及太空旅遊服務，包括可重複利用的太空旅行載具New Shepard火箭、可重複使用的New Glenn重型運載火箭等。2019 年 5 月，貝索斯仲公布左藍色起源的太空願景，希望可以係 2024 年執行名為「藍月」的登月計畫。

經過咗多年嘅投入研究，以火箭垂直起降（VTVL），加壓載人太空艙與推進器的雙重結構不受地面中心控制或人類飛行員操作的太空旅行載具New Shepard火箭系統已完成各項試飛，降左首次試飛同中國火箭一樣丟失可重複使用的推進器外，其他15次試飛任務皆圓滿成功（包括推進器軟著陸及太空艙回收）。預計7月首舵載人New Shepard火箭將飛至太空邊緣，到時所有乘客可以體驗幾分鐘失重感，並透過太空艙的巨大窗戶欣賞地球壯麗景觀，之後太空艙藉由降落傘輔助，靜靜降落於藍色起源的德克薩斯州發射場附近沙漠指定地區。

消息由貝佐斯於個人社群帳號發佈一小段紀錄片公開，向外界投下委身震撼彈，佢將親身成為New Shepard火箭系統於 7 月 20 日首航的乘客之一，而其親生兄弟馬克·貝佐斯會陪同佢一齊前往太空。貝佐斯指出：「這是我此生想做的事情。」選擇7月20日相信係阿波羅 11 號登月 52 週年。今次佢親身出征太空震撼全球，同時展出其熱愛太空的熱血，係進軍太空的衝勁上Jeff Bezos似乎後發先至先贏回一仗。不過記住「人無事先做到世界冠軍！」