有啲餐廳鍾意製作多款菜式，比客人有好多選擇，亦有餐廳鍾意獨孤一味，專注自己嘅強項，而 經典法國菜餐廳 La Vache! 就係一間專注於牛扒嘅餐廳，近日佢地就喺金鐘太古廣場開設第三間分店。

作為 La Vache! 第三間分店，位置座落於金鐘太古廣場地下位置，設計以法式小餐館風格為主，紅皮製座椅及格子桌布，令人感覺設身於法國當中。

同其他分店一樣，La Vache! 主食繼續只會專注供應牛扒及薯條，其中牛扒為一塊10安士USDA Prime 頂級美國安格斯肉眼，而薯條則為無限量供應，你舉手要求就會送到你隻碟上面，另會配有有機核桃沙律及甜品，當然食牛扒唔少得嘅紅酒亦有供應啦。

由即日起 La Vache! 已經正式營業，身處港島區嘅時候想食牛扒大家又多一個選擇啦！