大阪環球影城久唔久都會與不同動漫、遊戲作品合作，推出期間限定嘅遊樂設施，最新宣佈九月就與去年大熱嘅《鬼滅之刃》聯乘，推出主題遊樂設施，話可以令大家親身感受「水之呼吸」喎！

據目前公佈嘅資料，今次係USJ首次與《鬼滅》合作，話會以「壓倒性嘅規模同質素，重現《鬼滅之刃》嘅世界」，仲話遊客們可以「親眼體驗眼前發生的激烈戰鬥，感受包括炭治郎『水の呼吸』等各角色嘅華麗劍技」。執筆之時就未有講明實際上係咩類似嘅設施，但如無意外都係3D/4D體感機動遊戲。另外USJ亦會推出原創嘅《鬼滅》食物及商品。

／
ｶｧｧｧｧ伝令！伝令！
＼
次ハ！大阪府USJ！
鬼ガ潜ンデイルトノ噂アリ！
隊士ハ 九月十七日ヨリ、現地ニ潜入セヨ！
詳細ハ、八時公開ノ公式サイトヲ待テ！#USJ #鬼滅の刃 #NOLIMIT #20th pic.twitter.com/Lb1x3O6Buy

— ユニバーサル・スタジオ・ジャパン公式 (@USJ_Official) June 27, 2021

USJ《鬼滅》聯乘由今年9月17日開幕，預計下年2月13日結束。唔知各位香港Fans到時有冇機會去日本親身體驗下啦。