由於疫情關係，大家都只能夠留港活動，長期留在家真係好難頂，可以嘅話多啲出外人都精神啲。而接觸大自然就更加能夠令人心情舒暢，有咩屈結都盡量嘗試釋放。

近日PMQ就有一個「我地之間」繪本展，主題為大自然，入面精選左70多本來自歐美、日本、韓國等地嘅繪本，透過「我地相遇」、「我地相知」、「我地相惜」三大主題分類，讓人在繪本閱讀入面，感受一下大自然嘅美，以及讓你有機會重新思考大自然同你嘅關係。

從「相遇」── 地球與人類初見，結伴同行；

至「相知」── 兩者共同見證城市璀璨的燈火，同時思考與自然共存的平衡點；

到「相惜」── 一同瞥見大自然的光影舞動，體會地球的美麗。

唔好以為繪本只係岩小朋友睇，繪本嘅感染力，唔單止係故事內容本身，多角度平面創作及編輯、創意裝幀設計、紙本材質及型態，都可以帶比你與別不同嘅閱讀體驗，未試過不妨去行下試下啦。

活動資訊

日期：2021年7月3日至8月1日 

時間：11:00 am 至 7:00 pm

地點：PMQ元創方，A座7樓S710-S711室

費用：免費