最近Steam上出現一款名為《中國邊疆（Chinese Frontiers）》嘅模擬建造遊戲，玩家將會扮演古代工人參與長城建造工程，用血與肉締造出令外敵「頭破血流」嘅萬里長城，期間仲要打獵、釣魚、耕田應付生存所需。不過隻Game就係外國人整嘅，會唔會搞錯史實導致辱華㗎？

根據介紹，《中國邊疆》係一款針對長城修建期間嘅生活模擬器，玩家將會扮演當地居民建造世上最大防禦工事並應對其他日常挑戰，期間要冒險同打獵尋找建築資源以及獲得食物維持體力。

雖然未知開發商SolidGames係咩來頭，但發行商PlayWay S.A.過往就發行過N隻模擬遊戲，其中較為出名嘅有翻新房屋模擬器《房產達人（House Flipper）》。遊戲目前只有一條宣傳片，上市日期未知，支援15種語言（包括繁/簡體中文），不過開發團隊就好似搞錯咗日本鳥居同中國牌坊，會唔會被人鬧辱華㗎？