日本模型愛好者「凜パパ＠パパモデラー」用咗7個半月時間、手造近4000件零件，將一盒「MG 1/100 卡碧尼 Embellir」改裝成以下呢隻「卡碧尼Unknown」！

圖片：Oricon News

據「凜パパ＠パパモデラー」接受《Oricon News》訪問時透露，整隻改裝機體用咗超過4000件用塑料板及塑料棒自製嘅零件，而且為咗追求完美，製作時佢仲會避免零件重覆這成外觀單調，又因為唔想大副改變機體輪廓而令改動變得非常仔細。再加上來自其他模型嘅7、800件零件，以及原裝嘅5、600件零件，總數有近5500件零件。

圖片：Oricon News

佢最鍾意嘅高達機體就係卡碧尼，而當參照機械設計師NAOKI於2014年設計嘅「MG卡碧尼」而推出「MG 1/100 卡碧尼Emberllir」於去年開售之後，佢就決心要將其改造成依家呢個樣。佢話「卡碧尼Unknown」嘅背景故事係《ZZ》的最後，卡曼戰腋但冇死，轉為秘密改造卡碧尼，當改造完成回到戰場之時，由於係從未見過嘅機體，所以就被名為「卡碧尼Unknown」。