之前做左好多功夫想釐清TikTok唔係中國企業，結果其母公司字節跳動本來可以係美國或香港上市。可惜最後失敗居然唔係外國壓力，而是中國政府本身。據知因應中國政府要求公司集中處理數據安全風險，字節跳動擬無限期擱置海外上市計劃，有傳並非放棄上市但時機未到未有時間表上市。據解釋中國政府無叫停上市，但中國監管機構擔心字節跳動旗下App的數據安全。凡有中國人民大數據的都要極端小心，保障中國人私隱不落入西方國家手中。

字節跳動原本計劃將所有或部分業務係香港或美國上市，上年12月字節跳動融資時估值達1,800億美元。不過《華爾街日報》指出年頭創始人張一鳴在與中國網絡安全監管機構會晤時，被告知公司須重點解決數據安全風險和其他問題，據說之後張一鳴係3月決定，擱置潛在IPO計劃。當然有說字節跳動並非被中國政府禁止上市，不過中國監管機構必須先要了解同掌握字節跳動如何收集、儲存及管理數據。