之前已經有人講過未來會推出口服的2019冠狀病毒病疫苗，不過如今瑞典一間藥廠就真係推出左實物，利用一種乾粉狀的「吸入式疫苗」主要利用新冠病毒蛋白質所製成唔駛打針，更加唔需要冷藏，甚至可以放係攝氏 40 度的高溫，方便廣泛配送疫苗到偏遠地區。

要抗疫成功其中一個方法就要全面使用疫苗，最終達到全民免疫。不過接種疫苗畢竟要打針，唔係個個都願意接種，而且最大問題好多第三世界國家「冷鏈技術」唔足夠，無法以極低溫保存新冠疫苗。因此如果能夠研發民服疫苗而且耐高溫唔駛冷藏將會係人類最大的醫學突破。瑞典有一間專門製造哮喘藥物吸入劑的廠商 Iconovo 聯同斯德哥爾摩一間免疫學研究新創公司 ISR 合作，研發出一種乾粉狀的「吸入式疫苗」，可以抵受攝氏 40 度的高溫儲存，方便廣泛配送疫苗到偏遠地區。Iconovo 與 ISR 共同研發出針對新冠肺炎的乾粉狀疫苗，主要利用新冠病毒蛋白質所製成，同現時流行的復必泰、莫德納、AZ 疫苗唔同，可以儲存喺攝氏 40 度的高溫下，因此無須使用「冷鏈技術」的極低溫保存，可以好方便咁運送口服疫苗到全世界。

Iconovo 營運總監（Johan Waborg）表示，此款「吸入式疫苗」裝係一個約半個火柴盒大細塑膠盒中，只要取下一小塊塑膠薄膜，就可以誘發「疫苗吸入劑」活化，然後放入口中，深呼吸即可吸入藥劑，不單止生產成本好低，而且所有人都可以買左自行係家中使用。

ISR 創辦人、卡羅林斯卡學院免疫學教授Ola Winquist表示，目前的新冠疫苗都係針劑液體狀，必須透過「冷鏈技術」進行極低溫儲存，否則就會失去藥效，而「吸入式疫苗」可耐攝氏 40 度的高溫，因此無須透過冷鏈技術，亦無需醫護人員協助使用。不過「吸入式疫苗」目前仍然係動物試驗階段，好消息係公司資金足夠，預計可以 2 個月內展開人體臨床試驗，並已針對南非發現的 Beta 變異株與英國發現的 Alpha 變異株，進行疫苗效力試驗，已證實具有好大潛力，但要與其他注射疫苗一樣，提供相同的保護力，量產出售倘有漫漫長路。

此款「吸入式疫苗」的研發，有助於第三世界國家例如部份偏遠非洲地區廣泛配發疫苗，而醫學界樂觀表示，如果乾粉狀疫苗研發成功，可望徹底改變全球的疫情大流行。不過如今呢個希望需要愈行愈近，卻依然需要時間等待。樂觀睇法今次起碼有實物有相有真實，唔係完全的吹水。