從來講起戰鬥力最高嘅動漫男主角，悟空都係當之無愧嘅第一名，但自從《一拳超人》中嘅埼玉橫空出世，而且從未認真就已經毀天滅地，戰鬥力第一誰屬就有啲討論空間。睇埋Bandai出嘅呢個55cm高「普通拳」雕像，你又會唔會對埼玉嘅戰鬥力有更多信心？

呢個「《一拳超人》 Wonder Figure 埼玉」取材自動畫版第一季最後，埼玉突入波羅斯飛船時使出嘅「認真普通拳」為藍本，連地台全高55cm，並且有大量細節，例如埼玉身上嘅衣服紋理、飄逸嘅斗蓬、地台上嘅外星飛船結構、以及埼玉使出普通拳捲起嘅拳風等都相當高質。再加上認真到有啲太靚仔嘅面口，實在係Fans必收。

「《一拳超人》 Wonder Figure 埼玉」 (ワンパンマン　ワンダーフィギュア　サイタマ) 售價為93,500Yen，大約係HK$6,630。

資料來源：P-Bandai.jp