時至今日，有唔少機迷依然對各款童年遊戲念念不忘，就算冒住被鎖機風險，都要將心目中嘅經典移植到現有遊戲主機。最近有外國機迷就成功將CS 1.6移植到Switch，仲要可以連機對打！

機迷透過一位俄羅斯程式員喺GitHub上嘅開源遊戲引擎「Xash3D-fwgs」，將PC遊戲CS 1.6成功移植到Switch，而且可以透過區域網絡連機對打，就算冇朋友都可以玩單機打電腦（Bot），不過話晒都係移植版本，所以唔排除會有Bugs。

之前有機迷成功將《Half-Life》移植到Switch。（圖片截自：reddit）

除此之外，由於「Xash3D-fwgs」係基於Valve嘅GoldSrc遊戲引擎改寫而成，所以大部份Valve嘅經典遊戲都兼容，例如Half-Life、Team Fortress Classic、Day of Defeat等等，之前就有玩家用同樣方法移植Half-Life到Switch。不過以上所有行為都會面臨「鎖機」風險，所以唔建議大家咁做，想玩返童年嘅經典遊戲唯有等各大廠商出重製版啦。