目前正值東京奧運，加上香港隊今屆表現神勇，多個項目入面都成功獲得獎牌，令我地香港市民全情投入運動狂熱中。正因為咁，加上暑假無理由只係留喺冷氣房架麻，不如出下去搵啲活動/運動玩下啦！

近日樂富廣場就推出「SPORTIVAL運動嘉年華」，當中包括一系列活動鼓勵市民投入健康生活模式，好似首個以香港街景為題的VR跳降傘遊戲以及多個體能挑戰站。

五大體能挑戰站  鍛鍊肌肉提升體能

活動期間，樂富廣場B區戶外休憩用地將變身成體能鍛鍊大本營。五大體能挑戰站：抱石牆、斜坡跑、平衡繩、立定跳高訓練架及五級跳，將會免費開放，歡迎市民挑戰。設施亦設有不同難度嘅關卡，適合唔同年齡或體能程度市民參與。

「飛越樂富」VR跳傘體驗登場

除了體能訓練設施外，樂富廣場更設有「飛越樂富」VR跳降傘體驗。只要戴上VR眼鏡，就可以透過虛擬實景感受由萬呎高空滑翔降落嘅非一般快感。當中更會以香港特色美景作為航道，由維港上空為起點，玩家要控制降傘沿著空中跑道滑翔，以降落樂富廣場為目標。