美國的那個人準備好2024年將回來了！講緊係好耐無聲氣被封殺的前總統特朗普，近日其發言人Sean Spicer受訪時預告：「特朗普會參加總統競選！」聽講因為拜登近幾個月的政策隔靴搔癢，成功刺激蠢蠢欲動的特朗普放眼未來選戰！據報特朗普為左參選已經做左三件事「第一存入1.02億美金、第二減磅keep fit、第三繼續保持領先民意支持率！」 Sean Spicer話特朗普參選一事需要考慮並唔係有幾大勝算，而係「現在，必須發生什麼事，才可能讓他出局。」2024年正是巴黎奧運會之年！未來其實變數好大！

《華盛頓觀察家報》（Washington Examiner）早前登出美國前總統特朗普發言人Sean Spicer的訪問，當日Spicer出版新書《激進國家：拜登和賀錦麗對美國的危險計畫》前提到「特朗普會參加競選！」話說特朗普心意已決，絕對會去馬，然後仲為左參選已完成左三件事包括存入1.02億美元、成功減重、保持領先的支持率。據英國《衛報》介紹，Sean Spicer曾經係特朗普第一任白宮新聞秘書，就任6個月後於2017年7月離職。現為特朗普發言人！當然反對特朗普的勢力同聲音依然從未退減！據報昆尼皮亞克大學進行左一項調查，大多數(60%)美國人對特朗普可能係2024年獲得總統提名，持負面評價。距離美國下一次大選仲有三年，其實政治一日都嫌太長，三年可以發生的事太多，未來難言評估！反正如今暫時可以得知，特朗普已經訂立目標，三年後將好有機會出戰為共和黨參選！民主黨要盡快搵一個有實力的參選者對陣，最好搵一個全球都認可的參選人！