日本人重視傳統，不過自從世界推廣男女平權後，愈來愈多所謂「左膠」的組織出來，做一些疑似多餘的事顛覆傳統。近日日本就有一個左膠非營利組織，將日本人細細個就聽的「桃太郎」故仔大改造巡迴免費公開講座讓小朋友小學生聽新桃太郎故事。故事中「桃太郎」 性別轉換成女性叫「桃子」，而且好和平友愛唔動刀唔動槍，上演幕幕同鬼大和解講道理，差在唔識手牽手大合唱「今天我…」。 該團體聲稱如此一來可以讓小朋友學習偏見與歧視，但就係日本被網民狂攻，大量負評並標簽為「小學生學偏見」。西遊記應該都可以變悟空姐姐，豬八戒肯定同性戀，未來有咩野唔可能？

大家細細個就聽的童話故事，有無邊啲唔符合現代價值觀設定呢？ 日本近期就有新聞報導有推廣男女平權嘅非牟利組織，居然將日本傳統的桃太郎故事進行大革新，主角性別男變女，故事和平友愛，成個故事冇偏見冇歧視即使面對住日本傳統嘅「鬼」，桃子小姐同大家理性講道理，通過「說得」同鬼共存，上演大和解。非牟利組織的代表受訪時提到，呢個故事可以讓小朋友理解，唔應該從性別或者身體特徵而對別人抱持偏見或是歧視！不過呢個故事同呢種改變傳統故事的方式就引來大量批評！

相關的公開講座故事，日本網民一片負評。大部分的反對聲音都認為，要係現代自己作個故仔講「男女平等」、「非暴力」就好啦，但是連長年流傳的民間故事都要去修改，未免做得太過份太核突了！我相信主要都係改得唔好，正所謂人鬼殊途，鬼傳統上會害人對人帶有傷害性，如果硬要將敵人講成會聽你大道理的好人，強行講偏見與歧視根本講唔通，所以要改都唔好改桃太郎故仔。 明明見到有「鬼」唔解決唔防避同佢友好大和解，引申放大到國家與國家就變成綏靖主義（Appeasement），最終只會害到自己家人。