一講起咖啡，可能你都會諗去文青咖啡室慢慢歎。不過，咖啡又點會只係局限於室內，不如今個夏天就大家一齊抓住夏天的尾巴，以咖啡Crossover戶外活動啦！

Blue Bottle Coffee近日就喺沙田新城市廣場開設Pop Up Store，除了其招牌咖啡之外，亦想帶出咖啡與露營、踩單車都可以相融的。同時，佢地亦深信毛孩係我地生活嘅重要部份之一，所以特別將Pop Up Store設於「兒童及寵物同樂園」旁邊，等你可以自己歎咖啡嘅同時，唔會冷落毛孩。「兒童及寵物同樂園」位於新城市3樓新址，面積達8,000呎，比原本1樓大4倍之多，有6項寵物玩樂設施，包括打卡斜台、平衡木、寵物隧道及貓咪樹屋等。

而今次Blue Bottle Coffee更特別將一部1966年美國產Caravel露營車吊上平台廣場，為各位帶來其香濃出色嘅咖啡、特飲及美食，當中包括會場限定Waffle Parfait。

另外，Blue Bottle Coffee亦特別推介旗下多款產品，e.g.Travel Set、手搖磨豆器、滴漏咖啡套裝等等。

是次活動更將舉辦多項活動，其中包括城市單車生活文化平台Bike The Moment將舉辦咖啡單車遊，以單車會友，遊走沙田之間；與巨人染、植屋、集棄場等合作使用咖啡渣及再造木嘅工作坊；交流分享會: 與本地愛好露營咖啡及攜帶寵物露營嘅朋友進行交流。