{ SKIP }
文:MenClub 魏文青  
POSTED ON 04 Oct 2021

不同地區於不同年代,都有其代表性嘅衣著風格,例如最能代表九十年代香港嘅好可能係「緊身背心配火焰大喇叭」,而最能代表九十年代日本嘅就係日本「不良少女」們愛著嘅「泡泡襪」。而潮流呢家嘢素來都係循環,當「MK風」於香港慢慢重新掘起之時,現代日本JK (女學生) 亦似乎重新興起。

據日本《New PostSeven》報導,近一兩年日本開始有年輕JK重新穿上佢哋阿媽年代先興嘅「泡泡襪」;而由九十年代就開始生產泡泡襪、本來已經打算將其停產嘅生產商Tabio,亦接到大量針對青少年讀者的時尚雜誌詢問,可見「泡泡襪」似乎又有興起之勢。

圖片:News-PostSeven

而專門研究青少年消費及媒體文化嘅信州大學特任教授原田曜平就指出,現時會著「泡泡襪」嘅,並非如九十年代一樣係金髮黑皮膚嘅「不良少女 (コギャル)」,更多嘅係打扮清純嘅乖乖女。佢話呢班出生於1996年至2015年嘅Z世代,由於與媽媽嘅關係非常好,兩母女如朋友一樣會出去玩,所以通過媽媽接觸到平成年代嘅流行文化,但又因為佢哋自己冇親身見過,理解就與當年出現偏差;另一邊廂,漫畫如《東京卍復仇者》、《地獄の花園》中嘅描寫亦令「不良少年」成為青少年間嘅流行元素;再加上疫情令學生們唔使「正正常常」地著校服返學,於是「泡泡襪」就成為新嘅「潮流穿著」。

目前「泡泡襪」係以類似Cosplay嘅方式存在於日本JK之中,例如佢哋會因為去主題樂園而刻意穿上泡泡襪作為裝飾,Twitter上亦出現如何選購及穿著「泡泡襪」的介紹,唔少網紅、模特兒都開始著上泡泡襪拍照,甚至繪師等都開始創作著住泡泡襪嘅二次元作品。

資料來源:News-PostSeven

如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025
Christopher Nolan嘅下一部大作《Odyssey》星光熠熠,單單係Matt Damon、Tom Holland、Anne Hathaway、Zendaya等演員名單就已經夠吸引大家入場。但除咗電影公佈嘅首張劇照確認Matt Damon會出演主角奧德修斯(Odysseu ...
hobby
【影視】Nolan《Odyssey》角色名單曝露 荷蘭仔、麥迪文演父子 Zendaya飾雅典娜
17 Mar 2025