學黃子華話齋，講得出「我好鍾意返工」嘅人一定係鬼上身！試問有得揀嘅話，有幾多人會想晨咁早起身迫巴士/地鐵，返公司處理各種大大小小嘅麻煩事呢？如果有朝一日，大家返工途中見到N塊廣告板寫住「你期待今天的工作嗎？」，會唔會同班日本打工仔一樣咁扯火？

最近日本東京品川車站出現一整排廣告板，以白底黑字形式顯示一句說話「你期待今天的工作（會發生快樂的事）嗎？」（今日の仕事は楽しみですか。）引起打工仔強烈不滿，批評廣告屬於反烏托邦式（dystopia）宣傳，好似諷刺緊每日勞碌返工嘅上班族。

據了解，呢則廣告係由日媒NewsPicks以及人力資源顧問公司AlphaDrive聯手製作，本身係希望激勵打工仔迎接新挑戰，結果引嚟極大反對聲浪，刊登咗短短一日就火速下架，AlphaDrive社長「麻生要一」亦出面道歉。唔知大家覺得呢次爭議係日本打工仔太過敏感，定抑或係廣告商「不懂民情」呢？

10月4日（月）よりJR品川駅コンコースにて広告掲載したブランドメッセージにおいて、当駅利用者の方々への配慮に欠く表現となっておりましたことを心よりお詫び申し上げます。当該広告については、10月5日（火）午前をもって掲載を終了いたしました。https://t.co/lsS1qXzgE7

— 麻生要一 (@asou401) October 5, 2021