雖然而家嘅感覺仲係好熱好夏天，但係事實上唔經唔覺已經10月，相信天氣應該好快就會轉涼，大家又係時候搵定暖胃嘅野食啦。其中千両季節限定嘅「秋冬餐目」亦已經率先登場，各款時令魚鮮都將會入饌，大家絕對唔可以錯過。

是次「秋冬餐目」將於10月至12月分三個階段推出，並會以北海道時令魚鮮為主題，好似濃郁嫩滑的北海道時令生蠔、北海道馬糞海膽、清新爽口的鮫鰈薄切、活北寄貝刺身，以及炙燒秋刀魚壽司、活帆立貝壽司、活北寄貝壽司、炙燒鮫鰈壽司、贅沢壽司卷等。

除左鮮味之外，「秋冬餐目」亦將包含兼顧地道滋味及新穎技法嘅菜式，好似食完會暖笠笠嘅忌廉帆立貝薯餅配明太子醬、汁煮喜知次和石狩鍋，以及特色甜品十勝粉紅薯卷蛋、花畑牧場焦糖奶凍，讓你喺香港嘅冬日都可以嚐到北海道豐碩美味。

世界第一大漁場 — 北海道

位於日本最北部嘅北海道，地區面積廣闊，海岸線瀕臨日本海、鄂霍次克海和太平洋，土地遼闊優美，物產資源豐富。作為世界第一大漁場，北海道東南海域位於日本暖流與千島寒流交匯處，海洋表層佈滿有機物及營養，為魚類提供豐富餌料，形成繁榮發達嘅漁業。許多只有在北海道才能品嘗到嘅鮮美漁獲讓人趨之若鶩，包括厚岸灣生蠔、馬糞海膽、毛蟹、北寄貝、帆立貝等等，一眾頂級魚鮮貝類均來自當地，慢慢形成了世界最著名的魚鮮產地之一！