職業摔角界出身嘅Dwayne Johnson（The Rock）轉戰荷里活後聲名大噪，憑住《Fast & Furious》硬漢形象紅遍全球，近年仲有機會擔正做DC英雄電影《Black Adam（黑亞當）》男主角，演藝事業如日中天。最近佢就有新搞作，為好友Tech N9ne新歌《Face Off》獻唱一小段Rap，唔知大家覺得佢有冇潛力做埋Rapper呢？

從MV後半段（3:15開始）開始，可以見到The Rock一出場就除低外套大曬健美肌肉，開口時更為驚人，低沉又帶點沙啞嘅聲音霸氣十足，展示出流暢嘅Rap功力，同時亦不忘為自己嘅烈酒牌子Teremana賣廣告，只可惜佢段Rap一分鐘都都冇，想聽多啲只好狂Loop。

The Rock個人龍舌蘭品牌Teremana。

估唔到The Rock除咗係健身達人、職業摔角選手、演員，原來連Rap都識，唔知佢有冇打算好似老死（或者叫死對頭？）Vin Diesel咁樣，自己都試下出歌發展音樂事業呢？