Logitech嘅電腦設備好相信你試過都知，其中佢地已經推出一段時間嘅 MX Keys 鍵盤就絕對係Office用家們覺得最好嘅鍵盤之一。而近日佢地就再推出全新嘅 MX Keys Mini 更簡約更方便，適合Office台面空間不足或經常需要移動嘅你。

MX Keys Mini與MX Keys唯一不同嘅係，減少了右邊的Keypad，令唔需要使用Keypad嘅你可以將滑鼠放置在更靠近鍵盤嘅位置，從而減少手部移動距離，咁樣你手臂同肩膀嘅負擔就可以大大減少了。

同時，MX Keys Mini 配備左Logitech Perfect Stroke技術，配上球狀碟形按鍵，貼合手指形狀 ，打字嘅時候反饋出色，安靜又靈敏流暢。而鍵盤背光可以感應手部動作及背景光源，自動調節亮度，助你更加順暢完成工作，及進一步節省電力。

MX Keys Mini 無線鍵盤提供 USB-C 快速充電，可通過低功耗藍牙®輕鬆連接多達三部無線設備，並兼容 Windows®、Chrome、Linux 和 Android、macOS、iOS、iPadOS 系統，同時加入智能快捷鍵，亦支援 Logitech Flow 軟件，可在不同裝置之間輕鬆複製及貼上檔案、文件、圖像等，咁樣更加有效率啦！

而Logitech亦都響應環保，其中 MX Keys Mini 就有12-30%嘅零件由回收 (PCR) 塑料製成，令物料可以擁有第二次生命；紙質包裝亦都來自 FSC(R) 認證嘅森林，反應品牌對負責任地管理世界森林嘅承諾，全面減少碳影響。