據美國調查機構The NPD Group最新數據，今年9月份PS5美國銷量首度超越Switch，打破對方連續33個月美國最暢銷遊戲主機紀錄，至今全球累積銷量突破1000萬部。喺貨源短缺嘅情況下都贏到，究竟大家有幾愛（或者恨）PS5呢？

據NPD數據，原本任天堂Switch連續33個月蟬聯當地最銷量遊戲機，但上個月突然間被PS5追上，無論銷售量定銷售金額PS5都超越Switch。但值得注意嘅係，以上數據只係美國地區，唔包括歐洲及亞洲等大型市場，話唔定計晒全球銷量Swich喺9月份會贏PS5幾條街。

目前未知PS5點解可以喺9月贏到Switch，可以係Sony近排供多貨，又或者係任天堂因為推出Switch OLED而供應少咗原版Switch。但無論點都好，相信等到Switch OLED供貨穩定，任天堂好快又可以重回遊戲主機銷售榜冠軍（因為PS5長期缺貨）。

資料來源：theverge