Netflix劇集《The Crown》榮獲2021年金球獎最佳戲劇類影集等多個獎項，乃係Netflix上最受歡迎嘅劇集之一。不過劇集近日就受到英國媒體批評，原因係預計明年播出嘅第五季中，將會有一整集講述已故戴安娜王妃被騙接受BBC節目《Panorama》記者Martin Bashir嘅劇情。

戴安娜王妃接受BBC節目《Panorama》記者Martin Bashir訪問

《The Crown》講述現任英女皇伊莉莎白二世統治時期嘅傳記故事，而第五季嘅劇情將會講到到上世紀90年代所發生嘅事，當中戴妃與皇室嘅對立則會成為主軸之一。而據《Daily Mail》報導，《The Crown》第五季中將會有一整集，重現戴妃接受BBC節目《Panoama》記者Martin Bashir訪問。

此訪問嘅爭議之處在於近年Martin Bashir被揭發以偽造文件等方式，欺騙戴妃及其弟弟Earl Spencer，令佢哋相信英國皇室以及傳媒買通戴妃嘅身邊對其進行監控，最後戴妃於1995年11月接受Martin Bashir電視訪問，指出查理斯王子有婚外情——亦即「我的婚姻有三個人，太擠了」嘅名句——並承認自己亦有婚外情、抑鬱症等，公開與英國皇室的對立。

威廉王子於今年5月發出的電視聲明

訪問播出後，曾無意間協助Martin Bashir偽造文件嘅前BBC設計師Matt Wiessler主動向BBC高層講述假文件嘅消息，但事件於當時BBC新聞部高層嘅包庇下不了了之。直到去年戴妃弟弟Earl Spencer接受電視台訪問再次指責BBC，並公開更多文件，BBC再次展開獨立調查，BBC於5月獨立調查報告公佈後作出「無條件道歉」。威廉王子隨後發表電視聲明，指該訪問惡化母親戴妃嘅偏執問題，亦令父母關係惡化，間接導致往後嘅悲劇。他指該訪問全無正當性，並且捏造一個多年被包括BBC在內不同人消費嘅錯誤事實，不應再次播放。

Elizabeth Debicki將於《The Crown》第五季中飾演戴安娜王妃

喺呢個背景之下，《The Crown》決定重現該訪問就變得非常有爭議性。據Netflix知情人士向英國《The Sun》透露，劇集嘅創作人認為「該訪問是第五季的重要時刻」，而且「《The Crown》有鑽入英國皇室避而不談話題的先例」，簡單黎講就即係《The Crown》大概唔會理英國皇室會點諗。

特別值得一提嘅係，Netflix去年與哈利王子及其夫人梅根達成超過一億英鎊嘅合作協議，加上美國傳媒一直支持以「皇室被害者」身份出現嘅梅根，令此爭議更加複雜。

資料來源：DailyMail、The Sun