由Pixar製作嘅《Toy Story》系列橫誇24年，陪伴一眾大人小朋友成長，故事入面嘅胡迪、巴斯光年以及主人安仔嘅經歷引起大家無數共嗚，每次翻睇總會有另一番體會。如今Pixar就為人氣角色巴斯光年推出個人電影《Lightyear（光年正傳）》，向大家述呢位太空戰士嘅起源故事，預計2022年6月上映。

今日Pixar所公開嘅前導預告片，配樂用上David Bowie嘅經典歌曲《Starman》，可以見到巴斯光年駕駛太空飛船遨遊星際，亦有一系列巴斯效命於銀河聯盟時嘅工作畫面，最後以經典對白「太空戰士 一飛沖天（To Infinity... and Beyond）」作結。

雖然主角同樣係巴斯光年，但《Lightyear》同《Toy Story》並非同一個世界觀，電影旨在講述巴斯光年呢款玩具背後嘅靈感來源，一位年輕飛行員成為太空戰士嘅經歷。同時因為今次呢個巴斯光年較為年輕，所以劇組邀請「美國隊長」演員Chris Evans擔任配音工作，期望觀眾會有一番新體會。唔知第時粵語配音係咪依舊都係劉青雲呢？如果要換人，我諗大家同我一樣，即時會諗到一位最佳人選...！