香港天氣終於真正開始凍，大家除左要著夠衫之外，當然就係要食下好野令自己個身暖笠笠啦。咁寒凍之下最岩食咩? 咁就梗係要食羊啦！

冬天最岩就係食羊肉，因為羊具有暖腎、益氣補虛嘅功效，所以香港呢啲天氣就真係唔怕食多啲羊。而銅鑼灣人氣羊烤肉主題食店《 燒肉酒場 》 近日就搞搞新意思，特別推出超荀「冷鋒限定」優惠，即日起至11月30日期間，只要食客喺落單前出示當日(任何時間)天文台顯示氣溫低於攝氏20度嘅Cap Screen相片，就即刻可以享受《燒肉酒場》當日全場全日所有羊食加碼增量50% (包括午市及晚市)，抵到咁?! 咁唔Cap唔得啦！

位於銅鑼灣嘅呢間《 燒肉酒場 》，係本地少有以羊作招徠嘅烤肉餐廳，佢地將北海道名物成吉思汗烤肉加以改良，店內更特意選用紐西蘭及蒙古入口嘅新鮮羊肉，兩地羊肉品質可以話係最軟嫩多汁，當中更有罕見嘅紐西蘭羊軟骨、紐西蘭連骨羊腿、蒙古羊架、蒙古羊油卷等，又有新鮮黑草羊內臟，如羊肺，羊心，羊肚及羊肝，絕對係你地呢班羊肉控必食嘅餐廳！

燒肉酒場
地址：銅鑼灣登龍街28號永光中心10樓
電話：8481-9684
營業時間：星期一至日 12:00-23:00